ICF Group” şirkəti beynəlxalq pərakəndə satış obyektləri və ticarət mərkəzlərinin tikintisi sahəsində zəngin təcrübəsi olan peşəkarları özündə birləşdirir. Bu təcrübə kommersiya tipli daşınmaz əmlakın tikintisi və istismarı üçün əhəmiyyətli olan bacarıqların bütün spektrini, o cümlədən ticarət mərkəzlərinin dizaynı, icarə, tamamlama və istismar proseslərini ehtiva edir.

Son 20 il ərzində şirkətimizin məsləhətçi-konsultantları “Dubai Mall”, “Mall of Qatar”, “Riyadh Front” və Azərbaycanda “Pasha İnşaat” şirkəti tərəfindən tikilən bütün ticarət mərkəzləri də daxil olmaqla, bir çox uğurlu layihənin həyata keçirilməsində rəhbərlik səviyyəsində iştirak etmişlər.

Bu sektorda qazandığımız zəngin təcrübə sayəsində bizə etibar edirlər və biz bir çox yerli və xarici pərakəndə satış şirkətinə yeni layihələr təklif etmək iqtidarındayıq. Məsləhətçi-konsultantlarımızın hər biri bütün əsas sektorlarda fəaliyyət göstərən müxtəlif pərakəndə satış şirkətləri ilə tikinti və istismar sahələrində müstəqil iş təcrübəsinə malikdirlər və buna görə də, biz icarəçilərin ehtiyaclarını tam şəkildə anlayır və potensial icarəçilər, eləcə də gələcək alıcılar üçün pərakəndə ticarət üzrə cəlbedici marketinq planı hazırlamaq məqsədi ilə qarşılıqlı faydalı sövdələşmələrə yaradıcı tərzdə yanaşırıq.

Biz fəxr edirik ki, daşınmaz əmlak sahiblərinin uzunmüddətli maraqları daim bizim diqqət mərkəzindədir və biz hər hansı daşınmaz əmlak obyektinin bütün istismar dövrü ərzində sabit gəlirləri təmin edən layihələr həyata keçirməyə çalışırıq.

Bu məqsədlə, biz gəlirləri qısa müddətə artıran zahirən cəlbedici, lakin uzunmüddətli uğur üçün (potensialı sübut olunmuş) həll variantlarını təmin etməyən təkliflərin əleyhinəyik.

Biz bütün layihələrdə hər bir obyektin ehtiyaclarını kompleks şəkildə nəzərdən keçirir və investorlar, eləcə də tikinti şirkətləri, o cümlədən onların pərakəndə ticarət tərəfdaşları üçün ən yaxşı nəticəni təmin etmək məqsədilə əlimizdən gələni əsirgəmirik.